اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم


اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم



 
الرئيسيةالبوابةمكتبة الصورالتسجيلدخول
اخوانى اخواتى اعضاء منتدى عيون ليبيا الاعزاء تحيه طيبه وبعد .. يسـعد بإستضافتكـم كـل قسمـ في منتدانـا ، وكـل موضـوع في أقسامـنـا ...  كونك احد أعضاء هذا المنتدى فأنت مؤتمن ولك حقوق وعليك واجبات .. ليس العبرة بعدد المشاركات .. وانما ماذا كتبت وماذا قدمت لإخوانك الأعضاء والزوار ... كن مميزا في أطروحاتك .. صادقا في معلوماتك .. محباً للخير ... مراقباً للمنتدى في غياب المراقب ... مشرفاً للمنتدى في غياب المشرف ... هذا المنتدى منكم واليكم .. بمساهماتكم وآرائكم نرتقى  ... مع تحيات إدارة المنتدى .

شاطر | 
 

 كلام الاولين فيه حكمة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كريمة نفس
إدارة المنتدى
إدارة المنتدى


انثى عدد الرسائل : 372
العمر : 39
العمل : ربة بيت
مكان الاقامة : طرابلس

تاريخ التسجيل : 27/01/2009

مُساهمةموضوع: كلام الاولين فيه حكمة   السبت فبراير 14, 2009 1:19 am

* يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك.
*الزير المليان ما يرنّش .
*برّاح وحماره راح .
*تعزّيك طاقيتي ياللي عباتك رايحه .
*جبّة راجلنا ولا الطلبه .
*حمل الجماعه ريش .
*خيار اللبّاس ما ستر وخيار اليكال ما حضر .
*دار الزاوالي مليانه بالقسم على الله .
*ركّبه وحاديه وشاوخه لا ينعس .
*زيّ السردوك ما ينقب كان عين خوه .
*سييها بلعين وقصّها بالجرّه .
*كواك للأجواد طُلبه .
*صغارالشيابين يعيشوا مهملين .
* طردها ما لحقها قلها برّي معتوقه.
*عاشر يا معاشر لابدّ من فراق .
*غارق والحبل قصير.
*قرد موالف ولا غزال شرود .
*كانت تشخر زادت بفّ.
*لقمة اليتيم معبّره .
*مشت للحمّام جابت ما تخبّر عام .
*نلحس مسنّي ونبات متهنّي .
*هاتي يا مدره قلّي يا سدره .
*ولدها في غمرها وتدوّر فيه .
*يلعن بو السلطان في غيبته .
*اللي عنده البارات يعوم سواء ظالم والاّ مظلوم.


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كريمة نفس
إدارة المنتدى
إدارة المنتدى


انثى عدد الرسائل : 372
العمر : 39
العمل : ربة بيت
مكان الاقامة : طرابلس

تاريخ التسجيل : 27/01/2009

مُساهمةموضوع: رد: كلام الاولين فيه حكمة   السبت فبراير 14, 2009 1:38 am

مكتوب ع وراق التفاح رزق الشاقي ياخده المرتاح
الى مايبكي خانقاته العبرة
عين تضحك وعين تبكي
يمين البكوش في صدره
الليل بوديناته والنهار بعويناته
الفم المسكر ماتخش له دبانه
كل جرح يبرا الاجرحك يالسان
البحر فيه كلب
أمش يالول جاك التالي
مااعطب من الثوم الاالكرات
مشكاي أطرش ومتشرب ريح
يامبركك يامرت بوي لوله تضربني وتعطيني ناكل
وجه تعرفة خير من وجه ماتعرفاش
الى يديره الذيب مايكرهها الكلب
يجينا قرطاس ينبت شوشة
الي يقول الحق راسه ينشق
كلام الحق وجاع
الحوش لبونا والناس بيطردونا
في ركني ويعاركني
واحد فقره محاديه وواحد سعده يخدم عليه
واحد زلته مغفوره وواحد زلته فوق النخل منشورة
الى خاف سلم
الملدوغ يتخايل الحبل
الى مات مات على روحه
احييني اليوم واقتلني غدوه
ياروحي ما دونك روح
كل واحد علي روحه
اخطى راسي وقص
الى ماهي فيك ماتعيرك
امش صحيح ولاتعتر لاتطيح
كل حي من صندوقه يلبس
ماحي مات علي ميت
الاصحاب ولت معارف
الى مايدير خير مايجيه شر
ماعين تعلا على حاجبها
المحتاج يقول للكلب ياسيدي
ايش بيقول الميت قدام غساله
تعاركت الام وبنتها فرح العدو من هباله
الي ليك ليك يمضغك ولا يعديك
الي انت منه لاغنانن عنه
البحر ماتعومش فيه بروحك
رزق الخوه عند خوه.
النعجة الطائشة من سعد الذيب
الى يقول كلام يرعاه
الكلمة زي الروح لوخرجت ماعادش تولي
من كبر هده مات بوه قبل جده
أكبر منك بليلة يغلبك بكل حيله
صاحب بوك خير من صاحبك
الي مايعرف بوك ينعل جدك
كلمة امي كيف العسل في فمي
ان كبر ولدك خاويه
الي تحساب موسى طلع فرعون
رقدة أهل الكهف
عليك الآمان وخاتم سيدنا سليمان
الضرب للمحاميد والثنى لغومة
كل شاه امعلقة من كراعها
الي أوله شرط اعقابة سلامة
قطعنا البحر يابال البحيرة
الى مايحك جلده بيده م يحكهوله عبيده
الثمر ما يجيبنه مراسيل
مشينا الواجد يابال الشوي
الي ما يأكل بيده مايشبع
صحح ابدانك وادهب شيطانك
تعشى وتمشى
الصابر معاه الله
لاتجاور نسيبك ولاتامن طليبك
دير مايدير جارك والاحول باب دارك
رفقة الثور للجمل
الوجه الى تعرفه خير من الوجه الى ماتعرفاش
الذوقة اتدير الصاحب والي مايدوق مايدير اصحاب
صاحبك بختك
يازين ميعاد لحباب
الصاحب الي ماتستفاد منه العدو خيرمنه
الصاحب على الصاحب يبيع عباته وان صاحبي كلمة وفاء كادت
الشوارب تبوس .. والقلب فيه السوس
الفار الزرباز من سعد القطوس
اللي واخذ على طعامك ، وين يشبحك يجوع
صامت قليل الملح ما يتعدّى .. برّك احدانا ناقته وتغذّى
ما يحبّها شبح .... جابوهلّه عروس
في اللبس زوجة من ... وفي الشرف بنت من
كل شئ دواه الصبر ، إلا قلّت الصبر ماليهاش دواء
اللي ضرباته أمه راحت فيه
مشيت للبحر نشكي من كبر هبالي .. حتى البحر وخّر ووجعه حالي
غايضه واسمع مافي قلبه
كل شئ تلقاه في السوق ، كان أمك وبوك
اللي يحب روحه ، يقعد بروحه
شرْقه بريقك ، توّريك عدوّك من صديقك
أبعت ولدك للغابة أيجبلك مثله من العيدان
أبكي من يتيم وابخل من عقيم
ابرد من تلج الليالي
ابني على الهمة إيجيك المال
أبنادم ايقول قول وربي يفعل فعل
اتغدي بعدوك قبل ما يتعشى بيك
أتعلم وترك
أتغرب واكذب
اجعل خدامك من حزامك
أجعلك يا مادي بين جاي وغادي
اجعل من حادانا يربح
أجعلك نوارة فى عيون النغاره
أجعلك غابة والناس حطابة
أجبد ولاترد حتي الجبال تنهد
أحييني اليوم واقتلني غدوة
احبال سو طاحوا في بير
احسبني كيف خوك وحاسبني كيف أعدوك
اخطم على عدوك جعان ولا تخطم عليه عريان
اخنب وصدق ياعدو الله
أخراب العبيه ولافساد البنية
اخدم بناصري وحاسب البطال
اخداها من اخداها وحتزت
اخطي راسي وقص
اخيه وايدي فيه
اخفلها اجرالها
أخر الطب الكي
ادبارة الفار على أهل الدار يبيعوا القطوس واشروا جبنه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رواسي
مشرف عام على المنتديات
مشرف عام على المنتديات


انثى عدد الرسائل : 309
العمر : 38
مكان الاقامة : بلادى الحبيبة .. ليبيا ..

تاريخ التسجيل : 30/12/2008

مُساهمةموضوع: رد: كلام الاولين فيه حكمة   السبت فبراير 14, 2009 7:06 am

السلام عليكم و رحمة الله و بركاته

سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ،وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرفبنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك
قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّهوفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ،إمغير أطلبي فضل مولاك ، يقرب زول من تريدي .
* بالله يا قلبي شرتعها ... يارحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* زوجت بنتي باش نرتاح منبلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي
نضحك و نلعب غير شهلولية ... وضرب المعاني ما يفوت عليّا .
* دير المليحة يا ولد وأنساها ... كان عشت على طول الزمان تلقاها .
* لو كان نشكي للنجوم يغيبوا ،البحار تـنزح والصغار يشيبوا .
* والله يا قِـلـّة طويسة مُـرّة .. تقلّـع غشاش القلب يطلع برّة .
* دخانك عماني ... وطبيخك ما جاني .
* ريت بنت في غريان يامجملها ، نعطي حياتي كان قبلوا هلها .
* اللي عضّك ...وقّضّـك في سنونك .
* شعيرك ولا قمح الناس .
* ذِل قرشك ، ولا ذِل نفسك .
* تحزمت بيكم درتكم فيعوني ... نحساب حملي خفّ ... ثقلّـتونــي .
* تحطّه في القرعة ، تلقاه في البيدنجان .
* يسمع ما يكره ... ويدير ما يبّـي .
* كيف اللي يخرّف في حلمته ل****ه .
* شاقي ولا محتاج .
* جبال الكُحل ... يكملوهم المراود .
* دزّوه يخطب ، تعّرس ودار صغار .
* الودن تسمع والعقول توازن ... والعين تشبح والقلوب مخازن .
* الصبر لله والرجاء في المولى ، مع الصبر ماعندي كلام انقوله .
* ياريتني نمشي للصفا والمروى ... نشرب من زمزم لين قلبي يروى .
* عدّينا البحر ، يابال البحيرة .
اللي طلب يُطلب الله هو كريم المعاطي ، والعبد شنو قدره لايشيّعـك لا يواطي .
* أنا بوي لَجـيـت نبكي وقال خيرها وانشدوها ، وقولولها علاش تبكي ، أنا حي مازلت بوها .
* الزين ديمه زين ما يتوارى ... والعِـفـن في الشـدّة تبـان عـواره .
* الفـم الساكـت ، ما يـنكـتـبـوش عليه السـوايا .
* واحد فراقـه مُـرّ شيـح وجَعّــَدة ... وواحد إذا فـارق إنديروا وَعْده .
* يسلّم عليك العقل سلامين والثالث يجـيء من حداكم ... لا نريد مال ، لا نريد زرع ،أنا نريد غير نقعد حداكم .
* سلّـم وليـدي قال شنهـو تـبي ، مدام راسي حـي ماتـنْـكبّي .
* واحد يحلّـك من قفال حديدك ، واحد على هـمّ الزمـان يزيـدك .
* دمعات نزلوا من العيــون سخـونه ، الخـد إنكْـوى منهـم تـغـيّـر لونـه .
* بعدي ودونـي يا بنات الدّالة ... ومهبول من يِـمّـن للرجـالة .
* يا طير بجناحات بَـرّة بـَرّة .. سلّم على وليـدي اطناش المـرّة .
* الشـين ما باش القلب إيرومه ... والزين دارولي عليه خصــومـه .
* خيار الـتّـبّـع في ولد دمّـه وافي ،يعطيـك صبّاطـه ويمشـي حافـي .

ـ ضيف لجواد ايضيّف
2ـ الربيع من باب الدار ايبان
3ـ الطير ايقول يا وكري
4ـ دير الخير وانساه ودير الشر وتفكّره
5ـ خانها ذراعها قالت مسحورة
6ـ الجود من الموجود
7ـ هذا حصانك وهذي السدرة
8ـ ما يقعد في الواد غير حجره
9ـ يسخّن على البهرة والنار في فزان
10ـ صبري ولا صبر الناس عليّ

شكرا اختي كريمة على هذه الموسوعة الحلوة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غدير
إدارة المنتدى
إدارة المنتدى


انثى عدد الرسائل : 1727
مكان الاقامة : ليبيا الحبيبة

تاريخ التسجيل : 21/12/2008

مُساهمةموضوع: رد: كلام الاولين فيه حكمة   السبت فبراير 14, 2009 1:18 pm

والله مشكورات من كل قلبي اخواتي الفاضلات

بالفعل اصبحت موسوعة للامثال الشعبية

سلمت الايادي

clown


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3yon-com.ba7r.org/index.htm
nsser
مراقب
مراقب


ذكر عدد الرسائل : 713
العمر : 44
العمل : موظف
مكان الاقامة : ليبيا
الجنسية : ليبي

تاريخ التسجيل : 05/02/2009

مُساهمةموضوع: رد: كلام الاولين فيه حكمة   الجمعة يوليو 10, 2009 7:46 pm

والله وبدون مجامله حاجات اكثر من رائعه


الف شكر المميزتان كريمه ورواسى



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت ليبيا
شخصية مهمة
شخصية مهمة


انثى عدد الرسائل : 293
العمر : 36
العمل : موضفة
مكان الاقامة : ليبيا

تاريخ التسجيل : 10/02/2009

مُساهمةموضوع: رد: كلام الاولين فيه حكمة   الجمعة يوليو 10, 2009 9:21 pm



الله على الروعه والجمال شكرا جزيلا اخواتي الغاليات ميرسي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلام الاولين فيه حكمة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم :: ¨°o.O ( ..الأقسام الأدبية.. ) O.o°¨ :: الشعر الشعبي-
انتقل الى: