اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم


اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم



 
الرئيسيةالبوابةمكتبة الصورالتسجيلدخول
اخوانى اخواتى اعضاء منتدى عيون ليبيا الاعزاء تحيه طيبه وبعد .. يسـعد بإستضافتكـم كـل قسمـ في منتدانـا ، وكـل موضـوع في أقسامـنـا ...  كونك احد أعضاء هذا المنتدى فأنت مؤتمن ولك حقوق وعليك واجبات .. ليس العبرة بعدد المشاركات .. وانما ماذا كتبت وماذا قدمت لإخوانك الأعضاء والزوار ... كن مميزا في أطروحاتك .. صادقا في معلوماتك .. محباً للخير ... مراقباً للمنتدى في غياب المراقب ... مشرفاً للمنتدى في غياب المشرف ... هذا المنتدى منكم واليكم .. بمساهماتكم وآرائكم نرتقى  ... مع تحيات إدارة المنتدى .

شاطر | 
 

 خواطر احد ثوار الزنتان كتبها قبل ان يرمى سلاحه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غدير
إدارة المنتدى
إدارة المنتدى


انثى عدد الرسائل : 1727
مكان الاقامة : ليبيا الحبيبة

تاريخ التسجيل : 21/12/2008

مُساهمةموضوع: خواطر احد ثوار الزنتان كتبها قبل ان يرمى سلاحه   الإثنين ديسمبر 19, 2011 2:32 pm

خواطر احد الثوار كتبها قبل ان يرمى سلاحه ويعود لبيته تاركا المطار دون اذن من الآمر

الناس اللي تقول لازم ثوار الزنتان يطلعوا من كدا و كدا .... خلونا احني نقولوا و إنتم أسمعوا و لو مرة لو إنكم فعلاً ليبيين احرار و تخافوا على ليبيا ..... و الله إلا فدينا و نبوا نرجعو لحياتنا العادية و الله إلا دهشنا و معاش عندنا جهد و الله شبه ندمنا على اللي درناه و يا ريتنا خدينا ال 250 ألف من المقبور كان هذا توا طرابلس خاشينها بفلوسنا و مشاريعنا و إنتم عارفين اللي يملك المال في طرابلش شن يقدر يدير " كلها تبيبيله و تطلب في رضاه ما عدا الاحرار" يا ريتنا خدينا فلوس المقبور و خشيناك يا طرابلس بفلوسنا مش بدمنا و كان توا يقولوا الحاج عبدالمنعم او عبدالمنعم بي مش عضو في ميليشية مسلحة ....... بروا كلموا حكومتكم قولولها تجي تستلم الهم اللي لصق فينا قولولها تتحمل مسؤولية ال 21 مليار اللي في البنك المركزي ... قولوله...ا تتحمل مسؤولية خزانات النفط .... قولولها تتحمل مسؤولية المطار .... قولولها تتحمل مسؤولية الحقول النفطية اللي في الصحراء .... قولولها تتحمل مسؤولية الحدود الغربية كلها ..... قولولها تتحمل مسؤولية حماية المؤسسة الوطنية للنفط .... قولولها تتحمل مسؤولية موقع مليتة للغاز و اللي يدخل في ملايين لليبيا يومياً قولولها تتحمل مسؤولية مجرم الحرب سيف ...... قولولها و قولوها و قولولها ...... قولولها رانا كرهنا اعمارنا رانا فدينا راهو فاض بينا رانا مرات حق نولوا زي ما يقولوا علينا و بعدين و الله ليبيا إلا ما تولي نار حمراء جمر زي ما قال المقبور و يا واقي مش العملاء و أصحاب الأجندات و السكارجية و الإخونجية يخلوني نقول المرحوم و يصيرلي زي قصة الشيعة مع الحسين إبن علي رضي الله عنه و نبداء نجلد في روحي بالسلاسل ندماً على خروجي عليه و الإطاحة به ..... 4 شهور حصار و بلادنا ما فيهاش إلا الدقيق و الكهرباء أربعة شهور من القصف المتواصل ثمانية شهور من تقديم الشهداء الواحد تلو الاخر ... امي الحرة إنكتب عليها أن يطلق عليها صفة لاجئة على خاطر ليبيا و صغاري يراجوا ف خبر إستشهادي في كل لحظة و اخواتي مش عارفات لما نموت يزغرتوا و إلا يبكوا و اني واقف قدام الرصاص بفكر مشتت دورة نفكر في امي و قلقها و مرة نفكر في صغاري وشن بيصير فيهم و نفكر في خوي و أختي اللي في طرابلس اللي يعانوا في الويل من كتائب الطغيان أمتا بنوصل فيهم و نفك عليهم الحصار و نضبت خوي و نبكي أني و إياه بكية الفرحة ..... علاش يا ليبيين يا احرار ؟؟


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3yon-com.ba7r.org/index.htm
nsser
مراقب
مراقب


ذكر عدد الرسائل : 713
العمر : 44
العمل : موظف
مكان الاقامة : ليبيا
الجنسية : ليبي

تاريخ التسجيل : 05/02/2009

مُساهمةموضوع: رد: خواطر احد ثوار الزنتان كتبها قبل ان يرمى سلاحه   الأحد أبريل 01, 2012 8:08 pm


الله يعوض صبرهم خير وبارك الله فيهم كانوا ند للطاغى وكلابه وازلامه

فلتسلم الزنتان الابية وابناؤها البرره .الرجال الرجال

لاتندم اخى ... فانتم رجال والرجال قليل



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خواطر احد ثوار الزنتان كتبها قبل ان يرمى سلاحه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم :: ¨°o.O ( ..المنتديات العامة.. ) O.o°¨ :: أخبار وفعاليات 17 فبراير-
انتقل الى: