اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم


اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم



 
الرئيسيةالبوابةمكتبة الصورالتسجيلدخول
اخوانى اخواتى اعضاء منتدى عيون ليبيا الاعزاء تحيه طيبه وبعد .. يسـعد بإستضافتكـم كـل قسمـ في منتدانـا ، وكـل موضـوع في أقسامـنـا ...  كونك احد أعضاء هذا المنتدى فأنت مؤتمن ولك حقوق وعليك واجبات .. ليس العبرة بعدد المشاركات .. وانما ماذا كتبت وماذا قدمت لإخوانك الأعضاء والزوار ... كن مميزا في أطروحاتك .. صادقا في معلوماتك .. محباً للخير ... مراقباً للمنتدى في غياب المراقب ... مشرفاً للمنتدى في غياب المشرف ... هذا المنتدى منكم واليكم .. بمساهماتكم وآرائكم نرتقى  ... مع تحيات إدارة المنتدى .

شاطر | 
 

 عسى ان تكرهو شياً وهو خيرا لكم .. قصتي اني شخصيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غدير
إدارة المنتدى
إدارة المنتدى


انثى عدد الرسائل : 1727
مكان الاقامة : ليبيا الحبيبة

تاريخ التسجيل : 21/12/2008

مُساهمةموضوع: عسى ان تكرهو شياً وهو خيرا لكم .. قصتي اني شخصيا   الإثنين فبراير 23, 2009 11:22 am


Smile


عسى ان تكرهوا شيئا وهو خيرا لكم

Mad Mad Mad

عاد اني بنحكيلكم اليوم على قصتي اني شخصيا وممكن تقولو هذي مجرد قصة من وحي الخيال
ولاكن القصة حقيقية وصارت معاي وهيا سبب انشاء هذا المنتدى
هذا ياسيدي كنت نتصفح في الانترنت ونبحث على منتديات ليبية بيش نشارك فيها بجد وزي مايقولو نبي منتدى نرسم فيه يعني نبي نستمر فيه على طول
وعاد ربي هداني لهديك المنتدى . بدون ذكر اسامي طبعا. وسجلت فيه
وابتديت المشاركة بحيوية ونشاط من اول يوم
وعاد الحق ينقال فرحو بيا ومن اول يوم لقيت روحي مرشحة للاشراف
والله مافيش مبالغة في هذا الشيئ
وهذا الامر عطاني حافز وزدت من نشاطى مع اني وربي شاهد وعالم ماكنت داخلة واني طامعه في اي منصب
المهم من غدوية لقيت روحي مشرفة بجد
وزدت على نشاطي في كتابة المواضيع لدرجة احيانا حتى لما نحط راسي على المخدة نفكر شن بنحط غدوة في المنتدى و تصميم واجهات لهذا المنتدى
اكثر من اربع واجهات للمنتدى يعني كنت مدايرا مجهود خرافي بلا مبالغة
ولقيت روحي في ضرف اسبوع مديرة
واينك مديرة
واستعملت صلاحياتي
يعني كان فيه مواضيع غير لائقة بالمرة بمجتمعنا الليبي قمت بحذفها وكنت عل طول ندخل ونعطي اقتراحات
والحق الفترة الاولى مالقيت كان كل تشجييع
وعاد بعد ايام صرت نحس انه حماس الادارة وفرحتها بيا ابتدا يخف
مش زي الاول
ماكانش بيهمني
كنت داخلة بش نحط مشاركات ونتواصل مع الاعضاء بس
وما طولتش المدة لين لقيت روحي محظورة على دخول المنتدى
بصراحة تفاجات بس قلت ممكن يكون فيه خلل مؤقت ولا فيه تعديل في المنتدى
المهم بع يومين فتح معاي المنتدى عادي
واستمريت في المشاركةبفعالية وما همنيش برود ادارة المنتدى تجاهي
وبعده ياسيدك بنسيد عمكم مدير المنتدى داير موضوع اللي يبي منتدى يتفضل يكتب طلب واحني نديرولا منتدى
وعاد منهو اللي مايتمناش هذا الشي
وكتبت طلب بس مالقيتش جواب مفيد
ونسيت الموضوع واستمريت معاهم
فتتكم بالكلام لما تم حظر دخولي للمنتدى حاولت نشوف منتديات اخرى نكون مشاركة فيهم
من ظمنهم المنتديات اللي شايفينهم في المواقع الصديقة
المهم
عاد خطرت في بالي فكرة في يوم من الايام وعلى صبح ربي
ليش مانديرش منتدى بروحي
وكتبت في قوقل طريقة انشاء منتدى
ونجحت في الامروفتحت المنتدى
ورحت عى منتداي المذكور الاول وكتبت موضوع بعنوان .. باركولي ..
ومضمون الموضوع طلبت من اعضاء المنتدى يباركولي على نجاحي في فتح منتدى وقلتلهم اني بنعزمهم على الافتتاح في اقرب وقت
وعاد زي مايقولو فيها .. ومنها صارلا اللي صار
وعوينتك ماتشوف الا العمي
ماطقش ساعات الا والمنتدى اتسكر في وجهي قلت في بالي عاد شن صار
فات اليوم الاول والتاني والتالت واسبوع واثنين ومافيش فايدة
تم حضر دخولي للمنتدى ومحسوبكم مديرة ومش اي مديرة
مديرة مش في ايدها حتى انها تدخل على المنتدى
المهم في يوم من الايام وبالصدفه دخلت عالمنتدى من مكان تاني
وكنت عندى عضويتين في نفس المنتدى
فتح معاي المنتدى سجلت اسمي الرسمي اللي نشارك بيه على طول ماقبلاش
سجلت دخول بالعضوية الاخرى تم دخولي للمنتدى وفتتكم بالكلام المنتدى كان محتكر يعني مش مسموح للزوار برؤية المواضيع
وعاد بعد مادخلت لقيت المفاجاة واكبر صدمة في حياتي تلقيتها هذاك اليوم
دورت عل موضوع المباركة بمنتداي مالقيتاش لقيتا محذوف
رحت ندور على مشاركاتي
لقيت اسم العضو متغير مكان اسمي ومشاركاتي هيا هيا
يعني مدير المنتدى حضر دخولي ولطش عضويتي
وربي عالم وشاهد انه هذاك الوقت معاد نشوف في الدنيا قدامي
حاجة ماكان يتصورها العقل وما مرت عليا في حياتي على قد ماشاركت في منتديات .. وعاد اكيد كان فيه فعل ورد فعل
وقمت بالرد عليه في ذلك اليوم
ومن غدوية لقيت حتى العضوية الخرى محذوفة
وكلت ربي عليه وعلى امثاله من اصحاب القلوب السوداء واعداء النجاح
ربما تكون قلوب مريضة لا تحب ان يكون هناك ناس ينافسونهم في النجاح
وعاد من هذاك الوقت واني حاطة مجهودي في منتداي الرسمي منتداي الخاص بي
دون احتكار او ظلم وحطيت على عاتقي وربي يشهد عليا اني نعطي لكل صاحب حق حقه
وتشجيع الاقلام الموهوبة وتمييز اصحاب المشاركات المميزة
وهذي هيا القصة اللي قريب تصبح خرافة
والعبرة اللي فيها هيا زي ماكتبت العنوان .. عسى ان تكرهوا شيئا وهو خيرا لكم .. على قد ما وجعتني مشاركاتي في هذيك المنتدى
عل قد ماربي عوضني بنجاح اكبر منه ورزقني باحلى اعضاء
والمنتدى والحمد لله قاعد كل يوم من نجاح لنجاح
بالرغم من افتتاحه من مدة قريبة
الا انه قرب يتصدر المراتب الاولى في احلى منتدى في الفئة التي ينتمي اليها المنتدى

http://www.ahlamontada.com/ar/Society-and-Culture/Society-family-214-2.htm
ويمكن كل الاعضاء الاطلاع على ذلك
كما انه نجح في الضهور في محركات البحث ومواقع النشر واهمها موقع .. عيون ..
والحمد لله والشكر لله
ودمتم بصحة وعافية يااحلى اعضاء


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3yon-com.ba7r.org/index.htm
كريمة نفس
إدارة المنتدى
إدارة المنتدى


انثى عدد الرسائل : 372
العمر : 39
العمل : ربة بيت
مكان الاقامة : طرابلس

تاريخ التسجيل : 27/01/2009

مُساهمةموضوع: رد: عسى ان تكرهو شياً وهو خيرا لكم .. قصتي اني شخصيا   الإثنين فبراير 23, 2009 11:23 pm

فعلا غدير رُب ضارة نافعة اللي عجبني في قصتك رد الأساءة بنجاح كبير ويارب يكون أعضاء المنتدى زي الأخوات يعني اللي مايعجباش شئ معين يقول عليه فحنى نلتقي لنرتقي ونكونوا عيلة وحدة لأن الخلاف يصير والتسامح موجود
queen


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غدير
إدارة المنتدى
إدارة المنتدى


انثى عدد الرسائل : 1727
مكان الاقامة : ليبيا الحبيبة

تاريخ التسجيل : 21/12/2008

مُساهمةموضوع: رد: عسى ان تكرهو شياً وهو خيرا لكم .. قصتي اني شخصيا   الثلاثاء فبراير 24, 2009 7:16 am

صح السانك اختي الغالية كريمة نفس

مشكورة على مشاعرك الحلوة وعلى مرورك الاحلى


geek


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3yon-com.ba7r.org/index.htm
محمد الحامدى
عضو جديد
عضو جديد


ذكر عدد الرسائل : 19
العمر : 40
العمل : موظف
مكان الاقامة : الحوامد
الجنسية : ليبى

تاريخ التسجيل : 20/11/2010

مُساهمةموضوع: رد: عسى ان تكرهو شياً وهو خيرا لكم .. قصتي اني شخصيا   الأحد ديسمبر 05, 2010 1:20 pm

شكرا اختى غدير اتمنى لكى كل النجاح وفعلا عساء ان تكرهو شى وهو خيرا لكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غدير
إدارة المنتدى
إدارة المنتدى


انثى عدد الرسائل : 1727
مكان الاقامة : ليبيا الحبيبة

تاريخ التسجيل : 21/12/2008

مُساهمةموضوع: رد: عسى ان تكرهو شياً وهو خيرا لكم .. قصتي اني شخصيا   الثلاثاء ديسمبر 07, 2010 9:48 am

بارك الله فيك اخي الكريم

اسعدتني بمرورك


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3yon-com.ba7r.org/index.htm
عيون السعوديه
عضو جديد
عضو جديد


انثى عدد الرسائل : 16
العمر : 25
العمل : اداره اعمال
مكان الاقامة : ksa
الجنسية : سعوديه

تاريخ التسجيل : 01/07/2011

مُساهمةموضوع: رد: عسى ان تكرهو شياً وهو خيرا لكم .. قصتي اني شخصيا   السبت يوليو 02, 2011 6:54 am

الله لايسامحه
والله شي يقهر ناس
متخاف ربها
عموما اختى مفيش شي
في هادنيا يضيع
راح تلاقي حقك
وفعلا عسى ان تكرهوا شيئا
وهوخير لكم
تقبلي تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عسى ان تكرهو شياً وهو خيرا لكم .. قصتي اني شخصيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم :: ¨°o.O ( ..المنتدى الأجتماعي.. ) O.o°¨ :: المربوعة الأجتماعية .. تقعميزة وتهدريزة-
انتقل الى: