اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم


اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم



 
الرئيسيةالبوابةمكتبة الصورالتسجيلدخول
اخوانى اخواتى اعضاء منتدى عيون ليبيا الاعزاء تحيه طيبه وبعد .. يسـعد بإستضافتكـم كـل قسمـ في منتدانـا ، وكـل موضـوع في أقسامـنـا ...  كونك احد أعضاء هذا المنتدى فأنت مؤتمن ولك حقوق وعليك واجبات .. ليس العبرة بعدد المشاركات .. وانما ماذا كتبت وماذا قدمت لإخوانك الأعضاء والزوار ... كن مميزا في أطروحاتك .. صادقا في معلوماتك .. محباً للخير ... مراقباً للمنتدى في غياب المراقب ... مشرفاً للمنتدى في غياب المشرف ... هذا المنتدى منكم واليكم .. بمساهماتكم وآرائكم نرتقى  ... مع تحيات إدارة المنتدى .

شاطر | 
 

 حوار بين الشاعر وحبيبته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صبراتيه وافتخر
مشرفة منتدى الشعر الشعبي الليبي
مشرفة منتدى الشعر الشعبي الليبي


انثى عدد الرسائل : 269
العمر : 37
العمل : موظفه
مكان الاقامة : صبراته
تاريخ التسجيل : 10/02/2009

مُساهمةموضوع: حوار بين الشاعر وحبيبته   الخميس فبراير 26, 2009 7:47 am

حوار بين شاعر وحبيبته مش عادى


هذي قصيدة للشاعر الشعبي ميلود بوسلة
فيها حوار بينه و بين محبوبته اللي تجوزت واحد تاني يقول...


يكفي غلا يزي غلا يكفيني ليش الغلا دامه عذاب يجيني
ليش الغلا نشقابه وليش الغلا دامه كثير أتعابه
وكنت الغلا ياحبيبتي نحسابه تبقي معايا طول العمر وترافقيني
لين كيف قلبي جامعين أصحابه وإنت عروس محنية بتجيني
لكن غلاك اليوم قافل بابه ولاعاد بنشوفك ولاتشوفيني
وقلبي نساه الحب هاللي صابه ماضي جميل قداش واعدتيني
نقضتي وعودك ليش ياكذابة بلامال لحزارنا بعتيني

bounce

ردت عليه حبيبته :
بالله ماتظلمني وبالله عاللي صار ماتخاصمني
وهاللي جري يامحبوب ماهو مني وحق حبنا وحق ربنا وحق ديني
وكل ماحدث ياناس غصبن عني غصبن عليا رغم أنفي وعيني
الشايب حلف بيمين مايرحمني ولو مانوافق في البحر يرميني
ولو مانوافق قال بيعدمني ولو مانوافق قال بيجليني
ووافقت عنه الشيء اللي مزعلني عيل صغير السن مايسليني
وبالله يامحبوب ماتظلمني وماتقول بطلت الغلا يزيني

bounce

رد عليها هو وقال ...
مادام مالك حيلة ويش قربك للحب ومواويله
وغير ليش بتخلي العيون غبينة ولو نشربه دمع العيون يرويني
ونا كل صاحب بالهموم نشكيله يبكي معاي بدمع ويواسيني
من فرقته مولي العيون كحيلة من القلب نا عاطيه كل حنيني
إخترتك رفيق دون البنات بجيله وياريتني لا أخترتك لا أخترتيني

bounce

ردت عليه هي وقالت ….

غير ليش يا غاليا وغير ليش في شعرك تلوم علية
ولومك عاللي مصاحبه بنية ومعاه تبعث في الورق ويجيني
ومعاه تبعث في الرسايل ليا كلام الرسايل فيه بتوصيني
واليوم أهو خان دار السيا بالعيب بيكافيك ويكافيني
نسا حبنا هو جاي يخطب فيا كيف الدبارة دلني وريني
انا صابرة ونطلب الله عالية من شايب وولده يفكني ينجيني
تعود الحياة وتعود روحي ليا ويبرا الجرح اللي كان بيكويني
وأيام تكتب في قصايد غية وأيام تمشي معاي وتحاديني

bounce

رد عليها هو :
قداش ماتلاقينا وقداش في وقت الظلام حكينا
وقداش كنا شابكين إيدينا وقداش من ميعاد واعدتيني
وكاس الغلا قداش فيه خذينا وكاس المحبة شربتيه وسقيتيني
وقداش من مرسول بتوصينا كلام الرسايل ماعاد بيرضيني
واليوم وليتي بعيدة علينا واليوم لا نلومك ولا تلوميني
واليوم دامه الحظ مو مواتينا واليوم لا نعاتبك ولا تعاتبيني
عروس غيرنا ماكش عروسه لينا يابنت لا نحاكيك لا تحاكيني
مغير خوذي الرسايل خوذي وراقك وأرحلي يازينة
وكفي دموعك واصبري ياعيني

bounce

ردت عليه وقالت :

ناخذ رحيلي منك ومادام ترغب في رحيلي عنك
تغيرت ياحبيبي معاي كنك بلا ذنب ليش اليوم بتجافيني
ونا الشعر بنخليه يبقي فنك وإنت لدمع العين بتخليني


bounce

رد عليها هو وقال

والله يامحبوبة فعلا الشايب كاثرات عيوبه
أما الطفل عيل شيرته مذهوبة ولو كان يقدر من الوجود ينفيني
ونحساب بتخشي معاي لجوبة في خير وإلا شر بتعاتبيني
ولكن خسارة ياغزير هدوبه طلعتي ضعيفة نفس ماعجبتيني
وبلا قلب وجروحي بدت معطوبة لابال قصة حبنا تبكيني
وكل حد منا ينظره مكتوبة وأنا مسامحك وإنتي عليك سامحيني
ويكفي غلا يزي غلا يكفيني ليش الغلا دامه عذاب يجيني


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غدير
إدارة المنتدى
إدارة المنتدى


انثى عدد الرسائل : 1727
مكان الاقامة : ليبيا الحبيبة

تاريخ التسجيل : 21/12/2008

مُساهمةموضوع: رد: حوار بين الشاعر وحبيبته   الخميس فبراير 26, 2009 8:17 am

الله الله على اختياراتك الحلوة اختي صبراتيه كل مرة تفاجئينا بحاجة احلى من اللي قبلها

صحيتي اختي الغالية



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3yon-com.ba7r.org/index.htm
صبراتيه وافتخر
مشرفة منتدى الشعر الشعبي الليبي
مشرفة منتدى الشعر الشعبي الليبي


انثى عدد الرسائل : 269
العمر : 37
العمل : موظفه
مكان الاقامة : صبراته
تاريخ التسجيل : 10/02/2009

مُساهمةموضوع: رد: حوار بين الشاعر وحبيبته   الجمعة فبراير 27, 2009 11:19 am

Sad شكرا لك على المرور تسلمى


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام السعد
عضو نشيط
عضو نشيط


انثى عدد الرسائل : 83
العمل : مطالعة
مكان الاقامة : ليبيا

تاريخ التسجيل : 04/02/2009

مُساهمةموضوع: رد: حوار بين الشاعر وحبيبته   الجمعة فبراير 27, 2009 7:33 pm

والله بصراحة كلمات مانقدر نقول عليهم اكثر من انهم يوصلو للقلب على طول

كلمات القصيدة تجسد احساس الحبيبين بكل التفاصيل ومعاناتهم من اجل الحب



بارك الله فيك اختي صبراتية على نقل هذه القصيدة الرائعة



elephant


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صبراتيه وافتخر
مشرفة منتدى الشعر الشعبي الليبي
مشرفة منتدى الشعر الشعبي الليبي


انثى عدد الرسائل : 269
العمر : 37
العمل : موظفه
مكان الاقامة : صبراته
تاريخ التسجيل : 10/02/2009

مُساهمةموضوع: رد: حوار بين الشاعر وحبيبته   الأحد مارس 01, 2009 7:43 am

تسلمى ام السعد ولقد اسعدنى مرورك الكريم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nsser
مراقب
مراقب


ذكر عدد الرسائل : 713
العمر : 44
العمل : موظف
مكان الاقامة : ليبيا
الجنسية : ليبي

تاريخ التسجيل : 05/02/2009

مُساهمةموضوع: رد: حوار بين الشاعر وحبيبته   الأحد يونيو 14, 2009 4:09 pm

تقبلى شكرى و مرورى



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مجدى عامر
عضو جديد
عضو جديد


ذكر عدد الرسائل : 40
العمر : 46
العمل : مهندس
مكان الاقامة : طرابلس
الجنسية : صدفه

تاريخ التسجيل : 23/04/2012

مُساهمةموضوع: رد: حوار بين الشاعر وحبيبته   الثلاثاء مايو 01, 2012 1:25 pm

شكرا لك قصيدة لشاعر معروف من المنطقة الغربيه
اختيار موفق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار بين الشاعر وحبيبته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلاً وسهلاً بكم في منتدى ღ عيون ليبيا ღ شرفتوا وآنستوا منتداكم :: ¨°o.O ( ..الأقسام الأدبية.. ) O.o°¨ :: الشعر الشعبي ( مجهول المصدر )-
انتقل الى: